Хатлон: 1308 нашъаманд дар қайди диспансерҳои наркологӣ
Душанбе, 29.01.2015. (АМИТ “Ховар”, Мавҷуда Анварӣ).- «Дар соли 2014 аз тарафи тамоми мақомоти ҳифзи ҳуқуқи ҷумҳурӣ дар вилояти Хатлон зиёда аз се тонна маводи нашъаовар, аз ҷумла зиёда аз 501 кг маводи нашъаовари гурӯҳи афюнӣ мусодира гардид. Инчунин дар диспансерҳои наркологӣ 1308 нашъаманд ба қайди расмӣ гирифта шудааст аз ҷумла 17 зан, ки ин нишондод нисбат ба соли 2013 — 3,7 % зиёд мебошад», -иттилоъ дод сардори Раёсати Агентии назорати маводи нашъаовари назди Президенти ҶТ дар вилояти Хатлон М. Хайруллозода дирӯз зимни нишасти матбуотӣ.
Сардори Раёсати Агентии назорати маводи нашъаовар дар вилояти Хатлон инчунин зикр намуд, ки дар соли 2014 дар ноҳияҳои вилояти Хатлон ҷаласаҳои сайёри Ситоди амалиёти “Кӯкнор-2014” гузаронида шуд, ки дар онҳо масъалаҳои ҳамкорӣ бо мақомоти ҳифзи ҳуқуқ бо мақсади коркарди амалҳои муштарак барои бастани роҳҳои қочоқи маводи нашъаовар, интиқоли он, пешгирии истеҳсол ва фурӯши маводи нашъаовар, ҷамъоварии иттилоот оид ба муомилоти ғайриқонунии маводи нашъаовар, ташкили корҳои фаҳмондадиҳӣ дар байни аҳолӣ мавриди муҳокима қарор гирифтанд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






