Хуҷанд: таъсиси 1000 ҷойи нави корӣ

Душанбе, 7.01.2015. (АМИТ «Ховар», Рафоати Абдулҳамид).- Корхонаҳои саноатии шаҳри Хуҷанд дар давоми соли 2014 ба миқдори 490 миллион сомонӣ маҳсулот истеҳсол карданд, ки нисбат ба ҳамин давраи соли 2013- ум 82, 1 миллион сомонӣ зиёд аст.
Тавре ки  аз Хадамоти матбуоти раиси вилояти Суғд иттилоь доданд,  дар ин давра шумораи корхонаҳои саноатӣ ба 153 адад расид, ки нисбат ба ҳамин давраи соли гузашта 46 адад афзуд. Барои навсозии технология ва замонависозии корхонаҳои саноатии навташкил зиёда аз 44 миллион сомонӣ сармояҳои хориҷӣ ва дохилӣ масраф шуда, 1000 ҷойи нави корӣ таъсис ёфт.