Иқдоми ҷавонон: Ватанро сарсабз мегардонем!
Душанбе, 05.01.2015 (АМИТ «Ховар», Некрӯзи Муҳаммадсодиқ).-Кумитаи ҷавонон, варзиш ва сайёҳӣ дар радифи сиёсати созандаи Президенти Ҷумҳурии Тоҷикистон бо мақсади сабзу хуррам гардонидани кишвар, инчунин ҷалби бештари ҷавонону наврасон ба ин раванд амалиёти 100 рӯзи ниҳолшинониро таҳти унвони «Ин Ватанро мо ҷавонон сабзу хуррам мекунем!» эълон намудааст.
Дар доираи ин амалиёт ҷавонону наврасон ва кормандону алоқамандон ниҳолҳои гуногуни сояафкану мевадиҳандаро ҷамъоварӣ карда, дар боғу гулгаштҳо ва мавзеъҳои лозимӣ мешинонанд.
Масъулини Кумитаи ҷавонон, варзиш ва сайёҳӣ иқдоми мазкурро барои иштироки фаъоли шаҳрвандон дар ободу сарсабз гардонидани кишвар муҳим арзёбӣ карда, изҳор доштанд, ки ин кор метавонад барои боз ҳам зебо ва тозаю озода гардидани кишвар мусоидат намояд, зеро ба таъкиди масъулин, дарахту ниҳолҳои гуногуни сарсабз ҳаворо тоза намуда, аз ҷиҳати экологӣ ба манфиати сокинони кишваранд.
Иқдоми мазкур дар давоми 100 рӯз идома ёфта, дилхоҳ шаҳрванд метавонад дар ин амалиёт иштирок намояд ва саҳми худро дар ободии диёри маҳбуб- Тоҷикистон гузорад.
Кумитаи ҷавонон, варзиш ва сайёҳӣ ҳамаи ҷавонони фаъоли кишварро ба ин амалиёт даъват менамояд: Биёед бо ҳам ниҳол шинонем, то ин Ватанро сарсабзу хуррам гардонем!
Дар ин бора Наврӯз Қурбонов, мутахассиси пешбари Бахши иттилоотию таҳлилии Кумитаи ҷавонон, варзиш ва сайёҳӣ хабар дод.
Дар Қазоқистон беш аз 6,5 ҳазор нафар бинобар обхезиҳо дар нуқтаҳои бехавф боқӣ мемонанд
Бар асари гармои шадид дар Бангладеш 10 нафар ҳалок шуд
Дар Кения бар асари пайомадҳои обхезӣ дар як моҳ беш аз 160 нафар ба ҳалокат расид
МегаФон Тоҷикистон мусобиқаҳои байналмилалии парапланеристонро дар Данғара дастгирӣ намуд
Дар ноҳияи Ховалинг дар 8 гектар боғи хуч бунёд карда шуд
Тоҷикистон ва Индонезия чорабиниҳои дарпешистода дар соҳаи дипломатияи обиро баррасӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар Донишгоҳи давлатии Бохтар бо вакилон вохӯрӣ баргузор гардид
Бо фаъолону сокинони Ҷамоати деҳоти Даҳанаи ноҳияи Ёвон вохӯрии судманд доир гардид
Доир ба истифодаи самараноки замин ва нақши он дар таъмини амнияти озуқаворӣ машғулияти такмили ихтисос оғоз ёфт
«ИЛМ-ФУРӮҒИ МАЪРИФАТ». Дар Донишгоҳи техникии Тоҷикистон ғолибони даври аввали озмун қадрдонӣ шуданд
«КОРВОНИ КИТОБ». Он имрӯз ба шаҳри Бохтар расид
