Коллеҷи милиса дар Кӯлоб

Душанбе,  29.01.2015. (АМИТ «Ховар», Муқаддас  Темурзода).-  28  январ  дар  шаҳри  Кӯлоб  маросими  ифтитоҳи  коллеҷи  милисаи Вазорати   корҳои  дохилии  Ҷумҳурии  Тоҷикистон  бо  иштироки  вазири  корҳои дохилӣ  Раҳимзода  Рамазон  Ҳамро  баргузор  гардид. 
Тавре  ки  ВКД ҶТ  хабар  медиҳад,  бинои  коллеҷ  бо  ҳамаи  таҷҳизоти  муосири  техникӣ   таъмин  буда,  дар он  шароити  мусоиди    таълимӣ  фароҳам оварда шудааст. 
Зикр  шуд, ки  Президенти  Ҷумҳурии  Тоҷикистон  Эмомалӣ  Раҳмон  ба таҳсил  ва таълиму тарбияи   насли  наврас  ва  ҷавонон  пайваста  таваҷҷуҳ  зоҳир  менамояд. 
Ёдовар  мешавем, ки  коллеҷи  милисаи  Вазорати  корҳои  дохилӣ  бо  қарори Ҳукумати  Ҷумҳурии  Тоҷикистон  аз  7  августи  соли  2014  таъсис  ёфта,  алҳол   дар  он  беш  аз  100  нафар  курсантҳо таҳсил  менамоянд.   Мӯҳлати таҳсил  дар  он  4  сол  аст.  Ба  коллеҷи  мазкур  ятимон,  фарзандони  кормандони  ҳалокгардидаи  мақомоти  ҳифзи  ҳуқуқ ва  сохторҳои   қудратии  кишвар  ва шаҳрвандони  дигар низ  қабул  карда  мешаванд.  Хатмкунанандагони  коллеҷ  метавонанд таҳсилро  дар  Академияи  ВКД ҶТ  давом  диҳанд  ё  дар  сафҳои  мақомоти  умури  дохила  кор  кунанд.