Мусобиқоти боксчиёни Хоруғ

Хоруғ,  29.01.2015. (АМИТ «Ховар», Файзи Мирҳасан).- Чанде  пеш  дар  мактаби  варзиши   шаҳри  Хоруғ  мусобиқоти   боксчиёни  ҷавони  шаҳри  Хоруғ  ва   ноҳияҳои  Шуғнону  Роштқалъа   баргузор гардид. 
Дар  Бадахшон   роҳандозии  мусобиқоти   боксчиён  дар  таътили  зимистона анъанаи  хубе  гардидааст.  Бо  ибтикори   раиси  Федератсияи  бокси  вилоят  Хурсанд  Бахталиев  ва ташаббуси    мактаби  варзишии  шаҳри  Хоруғ  мусобиқоти  боксчиён баргузор  мешавад, ки  дар  он мактабиёни  вилоят  иштирок  мекунанд. 
Дар  мусобиқоти  имсола  138  нафар синфҳои  дуюм  ва хатмкунандаи   мактабҳои вилоят иштирок  менамояд. 
Ба  гуфтаи   сармураббии  мактаби  варзишии  вилоят  Гулрух Назарбеков,  солҳои охир  мактабиёну  ҷавонон  ба  бахши  бокси  варзиш мароқ  зоҳир  намуда, садҳо  нафар  мактабиён  кӯшиш  менамоянд, ки  дар  чунин  мусобиқот  иштирок  кунанд.