Мусодираи маводи мухаддир
Душанбе, 06.01.2015. (АМИТ «Ховар», Лайло Тоирӣ).- Кормандони Раёсати Агентии назорати маводи нашъаовари назди Президенти ҶТ дар вилояти Суғд рӯзҳои аввали соли нав дар ҷараёни амалиёти махсус дар ҳудуди ноҳияи Спитамен ду нафар сокинони ноҳияҳои Ғончӣ ва Спитаменро дастгир намуданд. Ҳангоми тафтиш аз онҳо як бастаи селофани дорои ҳашиш мусодира гардид.
Мувофиқи маълумоти маркази матбуоти Агентии назорати маводи нашъаовар, тафтишоти пешакӣ муқаррар намуд, ки шахсони дастгиршуда маводи мухаддирро дар ҳудуди ноҳия ба фурӯш бароварданӣ буданд.
Шуъбаи Раёсати Агентии назорати маводи нашъаовар аз рӯи ин ҳодиса парвандаи ҷиноӣ кушода, тафтишот идома дорад.