Мусодираи маводи мухаддир

Душанбе,  14.01.2015. (АМИТ «Ховар», Муқаддас  Темурзода).- Кормандони раёсати  мубориза бо  маводи  мухаддири ВКД дар  ҷараёни  амалиёти фаврӣ  дар   наздики  бозори  Корвон  се  нафар  шаҳрвандон  — сокини  40 — солаи  ноҳияи  Ҳамадонӣ  ва сокинони 41 ва  39  — солаи  шаҳри  Кӯлобро бо  гумонбари  гардиши  ғайриқонунии  маводи  мухаддир  боздошт намуда,  аз  онҳо  27  килограмму  100  грамм  ҳашишро  пайдо  ва  мусодира  карданд. 
Бино  ба  хабари  маркази  матбуоти  ВКД ҶТ,   дар  ҷараёни  боз  як  амалиёти  махсус   дар   ноҳияи  Файзобод  сокини 29 —  солаи  шаҳри  Норак   дастгир  шуда, аз  гунаҳкор 1  килограмму  93  грамм  ҳашиш  мусодира гардид. 
Кормандони  милиса  ҳамчунин  дар  ҷараёни  амалиёти  фаврӣ  2  нафар   сокинони   шаҳри Душанберо, ки  ба  гардиши  ғайриқонунии  маводи  мухаддир  даст  задаанд, дастгир намуданд.
Аз  рӯи  ҳодисаҳои  зикршуда  парвандаҳои  ҷиноӣ  кушода,  тафтишот  идома дорад.