Мувофиқати 1049 нафар ба мансаби ишғолнамуда

Душанбе, 08.01.2015. (АМИТ “Ховар”, Ситораи Боймурод).- Тавре ки аз Агентии хизмати давлатии назди Президенти Ҷумҳурии Тоҷикистон хабар доданд, ҷараёни иҷрои қонунгузории хизмати давлатӣ ва татбиқи сиёсати давлатии кадрҳо дар 24 мақомоти марказӣ ва 34 мақомоти иҷроияи маҳаллии ҳокимияти давлатӣ омӯхта, ба хадамоти кадрии онҳо ёрии методӣ расонида шуд.
Дар давоми сол 1049 нафар ба аттестатсия фаро гирифта шуд, ки 265 нафари он  зан мебошад. Тибқи хулосаи комиссияҳои аттестатсионӣ 1049 нафар ба мансаби ишғолнамуда мувофиқ баҳогузорӣ шуд.
Барои ишғоли  3647 мансаби холии маъмурии хизмати давлатӣ озмун гузаронида шуда, 2278 нафар довталаб ба мансабҳои холии маъмурии хизмати давлатӣ таъйин шуд, ки аз ин ҳайат 574 нафар ё 25,2 фоиз (193 зан) ҷавонони то 35- сола мебошанд.