Нақшаи таъсиси 170 коргоҳи нав дар соли 2015

Январь 5, 2015 10:09

Хуҷанд,05.01.2015. (АМИТ “Ховар”, Абдуаҳад Шарифзода).-Дар вилояти Суғд  соли сипаригашта 164 адад корхонаи нави хурду бузург бо теъдоди  3172 ҷои корӣ ба фаъолият шурӯъ намуд.
Тавре ки ба АМИТ “Ховар” аз шуъбаи энергетика ва саноати мақомоти ҳокимияти вилоят иттилоъ доданд, инҳо асосан корхонаҳои соҳаи саноати масолеҳи сохтмон, хӯрокӣ, сабук, маъданҳои кӯҳӣ ва саноати сӯзишворианд. 
Аз шумораи умумии коргоҳҳои фаъолгашта 45 коргоҳи саноатӣ  дар шаҳри Хуҷанд, 15 -то дар Конибодом, 14 -то Истаравшан, 13 -то дар Мастчоҳ, 12 -то дар ноҳияи Б.Ғафуров, 9 — тогӣ дар шаҳрҳои Исфара ва Қайроққум, 8 — тогӣ дар шаҳри Чкалов ва ноҳияи Ҷаббор Расулов, 5 — тогӣ дар ноҳияҳои Айнӣ, Панҷакент, Спитамен ва шаҳри Истиқлол, 3 — то дар ноҳияи Ғончӣ, 2 — тогӣ дар ноҳияи Шаҳристон ва Ашт ва 1 адад дар ноҳияи Кӯҳистони Мастчоҳ, ба истифода дода шуд. 
Ба гуфти манбаъ, дар идомаи ин раванд дар соли 2015 мақомоти иҷроияи ҳокимияти давлатии вилояти Суғд тасмим гирифтааст 170 корхонаи нави саноатиро бо 5,3 ҳазор ҷойи нави корӣ ба истифода диҳад.
Бояд зикр намуд, ки алъон дар қаламрави вилоят бунёди як зумра корхонаҳои хурду калон идома дорад. Аз ҷумла, дар ноҳияи Бобоҷон Ғафуров корхонаи истеҳсоли сементи “Ғаюр-семент” бо 1000 ҷойи корӣ ва истеҳсоли 1 млн. тонна семент дар як сол, коргоҳи заршўии КМ ”Зарафшон” бо иқтидори коркарди 10 ҳазор тонна маъдан дар як сол ва 300 ҷойи корӣ, корхонаи “Броадтек” дар шаҳри Панҷакент барои 300 кас  ва ҶДММ «Нуқрафом» дар шаҳри Истиқлол барои коркарди 2000 тонна нуқра  идома дорад.
 
 

Январь 5, 2015 10:09

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд