Нархи роҳкиро боз боло меравад?
Душанбе, 22.01.2015. (АМИТ «Ховар», Лайло Тоирӣ).- Аз ҷониби мақомоти иҷроияи ҳокимияти давлатӣ дар шаҳри Душанбе ва «Душанбе нақлиёт хадамотрасон» ба Хадамоти зиддиинҳисорӣ ҷиҳати бознигарии тарофаҳои мусофиркашонии нақлиётҳои шаҳрӣ муроҷиат шуда буд. Хадамоти зиддиинҳисорӣ нархномаи пешниҳодшударо тибқи низомнома оид ба калкулятсияи арзиши аслии ҳамлу нақл мавриди омӯзиш қарор дод. Тарофаҳои нақлиёти мусофиркашонӣ аз ҷониби хадамот дар заминаи асосноккунии иқтисодии хароҷот арзёбӣ мегардад ва баъдан қарори ниҳоӣ қабул мегардад. Ин нуктаро имрӯз зимни нишасти матбуотӣ сардори Хадамоти зиддиинҳисории назди Ҳукумати ҶТ Раҷабзода Абдусамад ироа намуд.
«Овоза дар бораи он ки мо ин нархномаҳоро тасдиқ карда бошем, беасос буда, маълумоти мазкур ҷиҳати муайян намудани ҳадди хизматрасонӣ пешниҳод шудааст ва дар айни ҳол тасдиқ нагаштааст. Мо барои хизматрасонии нақлиёти шаҳрӣ хулосаи хадамотро пешниҳод намудем, ки вобаста ба намуди мошинҳои мусофиркашонӣ манзур шудааст. То ҳол нархномаи мазкур тасдиқ нагаштааст ва мавриди амал қарор надорад»,- гуфт сардори хадамот.
Раҷабзода Абдусамад афзуд, ки агар дар ин самт ягон қонуншиканӣ ҷой дошта бошад, онҳо тайёранд онро пайгирӣ намоянд.
Дар мавриди он ки ҳамаи нақлиёти мусофиркашонии пойтахт нархномаи муайянгардида, яъне 80 дирам ва 1 сомонию 60 дирамро риоя накарда, 1 сомонӣ ва 2 сомонӣ роҳкиро мегиранд, сардори хадамот, гуфт ки масъалаи мазкурро шуъбаи хадамот пайгирӣ намуда, ронандаҳое, ки ба чунин амал роҳ додаанд, натиҷагирӣ шудаанд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






