Нишондоди қатъи фаъолияти 40 корхона

 
Душанбе, 09.01.2015. (АМИТ “Ховар”, Некрӯзи Муҳаммадсодиқ).-Имрӯз дар нишасти хабарии Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон,  Салимзода Сиҷоуддин, раиси  ин хадамот  афзуд, ки барои ба талаботи  санадҳои  меъёрию ҳуқуқии бехатарии саноатӣ  ҷавобгӯ набудани фаъолият, барои  иҷро накардани чораҳои лозимӣ оид ба пешгирӣ ва рух надодани ҳодисаҳои нохуш дар иншооти истеҳсолии хатарнок ба 40 роҳбари корхона нишондод оид ба  қатъ гардидани фаъолият пешкаш гардида, аз ҷумла  корхонаҳои ҶДММ «Шоҳроҳ», ҶДММ «Амон», ҶДММ «Шангдон»  ва КВ «Экспедитсияи иктишофӣ- геологии  Моғиён»-ро аз ҷониби кормандони хадамот нисбат ба шахсони масъули корхонаҳо барои риоя накардани қоидаҳои бехатарии саноатӣ бо моддаҳои 405, 172 ва 175  ба ҷавобгарии маъмурӣ кашида шуда, ба маблағи 104640 сомонӣ ҷаримабандӣ  шуд.