Нозироти андози Кӯлоб- беҳтарин андозсупоранда

 Кӯлоб, 29.01.2015. (АМИТ «Ховар», Сулаймони Хол).-Кормандони нозироти андози шаҳри Кулоб  дар ҷамъбасти сол  ба ҷоизаи дуюми беҳтарин андозсупорандаи сол сазовор гардиданд. Ба қавли  сардори нозироти андози мазкур  Фаррух  Давлатшоев  ҷиҳати дар сатҳи ҷумҳурӣ  иҷро гардидани нақша, корҳои назоратӣ ва пурраю барзиёд  таъмин намудани андоз  аз ҷониби  Кумитаи андози назди Ҳукумати  ҶТ ин ҷоиза ба кормандони нозирот дода шуд. Дар ин давра ба ҷои 38 млн 700 ҳазор сомонӣ  40 миллион сомонӣ ҷамъоварӣ шуд, ки  104%-и нақшаро ташкил медиҳад. 
 Мавриди зикр аст, ки кормандони нозироти андози шаҳри Кӯлоб бори чаҳорум аст, ки бо ин ҷоиза сарфароз мегарданд.