Оғози амалиёти 100 рӯзи ниҳолшинонӣ

Душанбе, 6.01.2015. (АМИТ «Ховар», Рафоати Абдулҳамид).- Кумитаи ҷавонон, варзиш ва сайёҳӣ бо мақсади сабзу хуррам ва ободу зебо гардонидани хиёбону гулгаштҳои кишвар бо ҷалби ҷавонону наврасон амалиётеро таҳти унвони «Ин Ватанро мо, ҷавонон, сабзу хуррам мекунем!» эълон намудааст.
Тавре ки дар ин бора хадамоти матбуоти раиси вилояти Суғд иттилоъ дод,  дар доираи ин амалиёт ҷавонону наврасон ва кормандону алоқамандон ниҳолҳои гуногуни сояафкану мевадиҳандаро ҷамъоварӣ карда, дар боғу гулгаштҳо ва мавзеъҳои лозимӣ мешинонанд.
Иқдоми мазкур дар давоми 100 рӯз идома ёфта, ҳар як шаҳрванд метавонад дар ин амалиёт иштирок намояд ва саҳми худро дар ободии диёри маҳбуби  Тоҷикистон гузорад.