Пешгирии қочоқи шираи камол
Душанбе, 7.01.2015.(АМИТ «Ховар»).-Дар натиҷаи гузаронидани амалиёти гумрукӣ аз тарафи кормандони Раёсати минтақавии гумрукӣ дар вилояти Хатлон амали интиқоли ғайриқонунии миқдори махсусан калони тухмӣ ва шираи камол ошкор ва пешгирӣ шуд.
Тавре ки аз Хадамоти гумрук иттилоъ доданд, дар дидбонгоҳи гумрукии «Кокул»-и Раёсати минтақавии гумрукӣ дар вилояти Хатлон ҳангоми азназаргузаронии гумрукии мошини тамғаи «Камаз», рақами давлатиаш 76-21 АА01 аз бордонаш дар халтаҳои ҳаҷмашон гуногун ба миқдори 1294 кг тухми гиёҳи камол ва дар 257 адад зарфи пластикии гуногунҳаҷм ба миқдори умумии 5 574кг 830 грамм шираи камол ошкор шуд. Халтаҳои пур аз тухми гиёҳи камол устокорона аз болои шираи камол пӯшонида шуда, қочоқгарон мехостанд бо ин амал пинҳонӣ аз назари гумрукчиён маводи мазкурро ба Давлати Исломии Афғонистон интиқол диҳанд. Баъд аз гузаронидани таҳлилу санҷишҳо маълум гардид, ки маводи боздошгардида ба сокини шаҳри Душанбе, ноҳияи Исмоили Сомонӣ, кӯчаи Маяковский Содиқов Рустам Ғаффорович тааллуқ доранд.
Номбурда маводи мазкурро аз кӯҳу саҳро ва талу теппаҳои Ҷумҳурии Тоҷикистон ҷамъоварӣ намуда, бо ин амалаш ба табиати зебои кишвар зарари калон ворид намуда, бар замми ин мехост миқдори калони ҳосили ҷамъовардашударо аз тариқи пинҳонӣ ба Давлати Исломии Афғонистон интиқол дода, аз ин ҳисоб даромади муфт ба даст биёрад.
Аз рӯи ҳодисаи мазкур парвандаи ҷиноятӣ оғоз гардида, барои идомаи тафтиш ба Прокуратураи ноҳияи Фархор ирсол гардид.
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
