Рамзгузории субъектҳои бақайдгиранда дар реҷаи он-лайн

Душанбе, 19.01.2015. (АМИТ “Ховар”, Рафоати Абдулҳамид).- Тибқи иттилои Агентии омори назди Президенти Ҷумҳурии Тоҷикистон, бо мақсади пурра ба қайд гирифтани воҳидҳои  ҳисобдиҳанда Агентии омор ба Феҳрасти давлатии шахсони ҳуқуқӣ ва соҳибкорони инфиродӣ шомил гардидааст. Дар айни замон рамзгузории субъектҳои бақайдгиранда дар реҷаи он-лайн амалӣ мегардад.
То 1-уми январи соли 2015 шумораи субъетҳои ба қайд гирифта шуда 386,3 ҳазор ададро ташкил намуд, ки он нисбат ба ҳамин давраи соли гузашта 20,7 фоиз зиёд аст. Аз шумораи умумии субъетҳо 379,1 ҳазор адад дар “Равзанаи ягона” ба қайд гирифта шуд, ки  нисбат ба соли гузашта 21,2 фоиз зиёд мебошад.