Сафари Қ.Қоимдодов ба Рига
Душанбе, 26.01.2015. (АМИТ «Ховар»).- Сафари кории сафири Тоҷикистон дар Беларус Қозидавлат Қоимдодов дар Ҷумҳурии Латвия анҷом ёфт. Дипломати тоҷик бо даъвати ҷониби Латвия дар мубоҳисаҳо аз рӯи масоили сиёсати хориҷӣ дар Парлумони Латвия иштирок намуд.
Зимни мулоқот бо Президенти Латвия Андрис Берзинш масоили муносибатҳои Тоҷикистону Латвия мавриди муҳокима қарор гирифтанд. Президенти Латвия аҳамияти ҳуҷҷатҳои имзошуда дар ҷараёни сафари расмиаш ба Тоҷикистон ва дар амал татбиқ шудани онҳоро ба таври махсус зикр дод.
Қ.Қоимдодов дар ҷараёни гуфтушунид бо Директори сиёсии Вазорати корҳои хориҷии Латвия Эдуардс Стипрайс, аз ҷумла, пешниҳод намуд, ки масъалаи дар асоси мутақобила таъйин кардани консулҳои фахрӣ бори дигар баррасӣ шавад. Дипломати Латвия изҳор дошт, ки дар ҳошияи раёсати Латвия дар Шӯрои Иттиҳоди Аврупо, ки ҳайати Тоҷикистон ҳам ба он даъват мешавад, бархе чорабиниҳои байналмилалӣ ба нақша гирифта шудааст.
Зимни мулоқот бо вазири маориф ва илми Латвия Марите Сейле ба масоили ташкили гурӯҳи муштараки корӣ барои татбиқи Созишномаи байниҳукуматӣ дар бораи ҳамкорӣ дар соҳаи маориф ва илм, тарбияи кадрҳо, сафари донишҷӯёну мутахассион ба кишварҳои якдигар таваҷҷуҳи хоса зоҳир гардид.
Алҳол дар донишкадаҳои олии Латвия беш аз 20 нафар шаҳрвандони Тоҷикистон таҳсил доранд, ки сафир дар бинои Донишгоҳи техникии Рига бо онҳо мулоқот анҷом дод.
Зимни мулоқот бо вазири кишоварзии Латвия Янис Дуклавс ва муовини муншии давлатии Вазорати роҳҳои кишвар Улдис Рейманис масоили кишоварзӣ ва тақвият бахшидани боркашонӣ тавассути роҳҳои Латвия мавриди муҳокима қарор гирифт.
Дар анҷоми сафари кории сафир бо роҳбари гурӯҳи мусиқии «Барака»- и шаҳри Рига Дмитрий Евсиков мулоқот анҷом дода шуд. Мавсуф ба тарғиби композитсияҳои Муборакшо Мирзошоев, Наргис Бандишоева, гурӯҳи «Шамс» ва бисёр мутрибону сарояндагони дигари машҳури тоҷик дар Аврупо машғул аст.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
