Сафари Б. Обама ба Арабистони Саудӣ

     Душанбе,26.01.2015. (АМИТ «Ховар».-Иброҳими Ҳабибуллоҳ).-  Тавре ки сухангӯи Кохи Сафеди Амрико Ҷош Эрнест мегӯяд, Президенти Амрико Барак Обама ва ҳамсари ӯ Мишел Обама рӯзи сешанбе 27-уми январи соли 2015  барои мулоқот ва таъзия бо шоҳи нави  Арабистони Саудӣ Салмон бин Абдулазиз ба Риёз мераванд.
 Лозим ба ёдоварист, ки Президенти Амрико рӯзи якшанбе ба Ҳиндустон сафар намуда, бо нахуствазири Ҳиндустон Нарендра Модӣ дидор ва гуфтугӯ карда, баъдан дар маросими ҷашни 65-умин  солгарди Рӯзи ҷумҳурӣ  ширкат намуд. 
        Душанбе, 26.01.2015. (АМИТ «Ховар»).-Дирӯз вазири умури хориҷии АмрикоҶон Керрӣ дар як нишасти иқтисодӣ дар Давоси Швейтсария ба хабарнигорони дохил ва хориҷи кишвар  барои  рӯ задани ихтилофҳои мазҳабӣ ва исломҳаросӣ ҳушдор дод ва хостори ҷудо кардани маблағи бештар барои мубориза бо ифротгароӣ шуд. Гуфта мешавад, ки ҷанде қабл Президенти ин кишвар  Франсуа Олланд,  ки кишвараш ба тозагӣ ҳаводиси террористиро аз сар гузарондааст, барои мубориза бо терроризм ва ҳамчунин дар муқобили пулшӯӣ ва қочоқи коло сахтгирии бештаре нишон дод. 
      Душанбе, 26.01.2015. (АМИТ «Ховар»).-Шаби гузашта тундравҳои Покистон  дар вилояти ҷанубу ғарби Балуҷистони Покистон  ба дастгоҳи калони интиқоли неруи барқ ҳамла намуда ва онро аз кор бароварданд. Гуфта мешавад, ки зиёда аз 80 фисади кишвар аз барқ маҳрум мондаанд. Мувофиқи  иттилои сухангӯи Вазорати обу барқи Покистон Зафарёб Хон- мақомоти зидахл ба зудӣ харобиро барқарор намуда ва интиқоли неруи барқро оғоз хоҳанд кард.