Сайди моҳӣ дар ҷумҳурӣ-1884 тонна

Душанбе, 26.01.2015. (АМИТ Ховар, Ситораи Боймурод).- Тибқи иттилои Агентии омори назди Президенти Ҷумҳурии Тоҷикистон ҳаҷми маҳсулоти моҳипарварӣ  дар соли 2014 32,9 млн. сомониро ташкил кард, ки нисбат ба ҳамин давраи соли гузашта 9,4 фоиз зиёд аст. 
Дар соли 2014  сайди моҳӣ умуман дар ҷумҳурӣ 1 ҳазору 884 тоннаро ташкил намуд. Аз он ҷумла дар хоҷагиҳои вилоят ВМКБ 108,5 тонна, вилояти Хатлон 1495,4 тонна, вилояти Суғд 229 тонна, ноҳияи Шаҳринав 3,5 тонна, ноҳияи Рӯдакӣ 9,1 тонна, ноҳияи Ваҳдат 37,5 тонна, Ҳисор 0,8 тонна ва дар Файзобод 0,2 тонна моҳӣ истеҳсол шудааст.