Сангпора хонаро вайрон кард

Душанбе,  12.01.2015. (АМИТ «Ховар»,  Файзи Мирҳасан).- Чанде  пеш дар  яке аз  хонаҳои  истиқоматии кӯчаи  Имроншоеви  шаҳраки Ҷоми    шаҳри  Хоруғ ҳодисаи  фавқулодда  рух  дод. Сангпораи калони аз  кӯҳ  канда шуда, боми манзили  Муяссар  Маҳмадовро  шикаста, ба дохили  хона  афтид.
Дере  нагузашта  кормандони Кумитаи ҳолатҳои  фавқулодда  ба  маҳалли  воқеа  омада,  ба  корҳои  наҷотдиҳӣ  шурӯъ  карданд. Бар  асари  ин  ҳодиса  аз ҷумлаи  8  нафар  аъзои  оилаи Муяссар  Маҳмадов  касе  осеб надид. 
Мувофиқи  маълумоти  кормандони  Кумитаи  ҳолатҳои  фавқулодда,  зарари  умумии  ин  ҳодиса 14  ҳазор  сомониро ташкил  медиҳад.