Савганди наваскарон- нишони садоқат ба Ватан

Хуҷанд, 02.01.2015. (АМИТ “Ховар”, Абдуаҳад Шарифзода).-Ҳамасола чун анъана баъд аз се моҳи даъват ва хизмат дар сафи артиши миллӣ, дар ҳамаи қисмҳои низомӣ маросими савганди сарбозони  навдаъватшуда баргузор мегардад. 
Тавре ки аз маркази матбуоти роҳбари вилоят хабар доданд, чунин як чорабинии қабули савганд аз ҷониби наваскарон   дар маркази таълимии қисми ҳарбии 2010-и Сарраёсати қӯшунҳои сарҳадии Кумитаи давлатии амнияти миллии Ҷумҳурии Тоҷикистон баргузор гардид.
 Дар чорабинии мазкур ҳар як сарбоз баҳри хизмати содиқона ба халқу Ватани худ  қасами ҳарбӣ ёд намуда, таъкид бар он дошт, ки ҳифзи хоки Ватан қарзи фарзандии ҳар ҷавонмард ба ҳисоб меравад.