Семинари омӯзишии тарғибгарон

Душанбе,  15.01.2015. (АМИТ «Ховар», Покизаи  Шодмон).- Мувофиқи дурнамои чорабиниҳо  барои  ташкилу  роҳандозии имтиҳоноти мутамаркази дохилшавӣ (ИМД)  ба  муассисаҳои таҳсилоти   миёнаю  олии  касбии Ҷумҳурии  Тоҷикистон  аз  14 то 16  январи  соли  ҷорӣ   семинар — машварати  омӯзишии тарғибгарон доир  мешавад. 
Семинар  ба  манзури дар  сатҳи  баланд иҷро  шудани кори иттилоотию тавзеҳотии  ҳамаи  ашхоси  манфиатдор рӯи  кор  оварда, барои  ин  мақсад тарғибгарони махсус  интихоб  мегарданд. Намояндагони  шуъбаҳои маорифи шаҳру  ноҳияҳои  ҷумҳурӣ барои  иштирок дар  семинар  даъват  шудаанд.
Ёдовар  мешавем, ки даври  дуюми   чунин  семинар — машваратҳо аз  28 то  30  январи  соли  равон дар  шаҳру  ноҳияҳои  ҷумҳурӣ  бо  иштироки  намояндагони муассисаҳои  таҳсилотӣ ташкил мегардад.