Шӯрообод: ҷинояткорӣ пешгирӣ мешавад

 Шӯрообод, 31.01.2015. (АМИТ «Ховар», Сулаймони Хол)-Масъалаи  нигоҳ доштани  тартиботи ҷамъиятӣ,  пешгирии ҷинояткорӣ ва  мубориза ба муқобили он, махсусан пешгирии  интиқоли маводи мухаддир  дар мадди назари  доимии мақомоти  иҷроияи ҳокимияти давлатии ноҳия  қарор дорад,-гуфт зимни нишасти матбуотӣ раиси ноҳияи Шӯрообод Амирхон Икромзода. Дар қаламрави ноҳия  дар  давраи соли 2014-ум  аз тарафи Шуъбаи корҳои дохилии ноҳия  73 ҷиноят ба қайд гирифта шуда, сатҳи кушодашавии ҷиноятҳо 85,5%-ро ташкил дод. Инчунин зикр гардид, ки  дар ин муддат  аз тарафи  кормандони мақомоти  корҳои дохилӣ  ба миқдори 35 кг афюн, 101,6 кг ҳашиш ва 468,62 кг  бангдона мусодира  шуд. Зимни муҳофизати  хати сарҳади давлатӣ  аз тарафи сарбозону афсарони қисми низомии 2931-и  Сарраёсати  қӯшунҳои  сарҳадии Кумитаи  давдатии амнияти  миллии ҶТ  1,6 кг героин, 409,4 кг бангдона, 39,15 кг афюн, 4 адад яроқи оташфишон  бо 5 тирдон  мусодира шудааст.