Шириниҳои кӯдаконаи бесифати чиноӣ дар «Арбат» ва «Садбарг»
Душанбе, 22.01.2015. (АМИТ «Ховар», Лайло Тоирӣ).- «Хадамоти зиддиинҳисории назди Ҳукумати ҶТ соли сипаришуда ду санҷиши муштарак баргузор намуд, ки яке аз он бо мақсади омӯзиши ҳолати савдо ва бетарафмонӣ дар нуқтаҳои савдо буд. Мо ин санҷишҳоро дар бозорҳои «Шоҳмансур», «Фаровон», Маркази савдои «Садбарг», супермаркетҳои «Пойтахт» ва «Арбат» гузаронидем»,-гуфт сардори Хадамоти зиддиинҳисории назди Ҳукумати ҶТ Раҷабзода Абдусамад имрӯз зимни нишасти матбуотӣ.
Бино ба гуфтаи сардори хадамот омӯзиш дар нуқтаҳои фурӯши молу маҳсулотҳо собит сохт, ки дар баъзе нуқтаҳои савдо маҳсулоти хӯрокӣ бо маводи ороишӣ, санитарӣ ва гигиенӣ ба таври омехта ба савдо гузошта шудаанд. Дар бархе аз нуқтаҳо сертификати мутобиқати аксарияти маҳсулотҳо пешниҳод нашуданд.
«Инчунин миқдори зиёди намудҳои гуногуни шириниҳои кӯдаконаи истеҳсоли Ҷумҳурии мардумии Чин бидуни маълумоти зарурӣ дар тамғақоғаз бо забони давлатӣ ва русӣ ошкор гардид. Дар тамғақоғазҳои шириниҳои кӯдаконаи навъҳои гуногун маълумот танҳо бо забони чиноӣ буда, ҳуҷҷатҳои тасдиқкунандаи сифат ва воридшавии молу маҳсулот вуҷуд надошт. Бинобар ин намудҳои молҳои мазкур чиҳати муайян намудани таркиб ва бехатарӣ ба мақомоти ваколатдори соҳавӣ ирсол шуданд»,-илова намуд Раҷабзода Абдусамад..
Ба гуфтаи мавсуф барои тавзеҳи масъалаҳои ҳимояи ҳуқуқи истеъмолкунандагон дар назди Хадамоти зиддиинҳисорӣ «Маркази машваратӣ» ба кор оғоз намудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






