Соли 2014 ҳаҷми маҳсулот ба 10,5 млрд сомонӣ баробар гардид

Душанбе, 30.01.2015. (АМИТ “Ховар”, Рафоати Абдулҳамид).- Ба иттилои Вазорати рушди иқтисод ва савдои ҶТ дар соли 2014 ҳаҷми маҳсулоти саноатии ҷумҳурӣ ба 10,5 млрд сомонӣ баробар гардид, ки нисбат ба соли 2013 — ум 5,1 фоиз зиёд аст. Дар корхонаҳои саноати истихроҷи ҷумҳурӣ ба маблағи 1,4 млрд сомонӣ дар корхонаҳои саноати коркард ба маблағи 7 млрд сомонӣ маҳсулот истеҳсол шудааст, ки нисбат ба соли 2013 мутаносибан 24,8 фоиз ва 1,0 фоиз зиёд аст. Ҳаҷми арзишии истеҳсол ва тақсимоти неруи барқ, газ ва об дар давраи ҳисоботӣ 2,1 млрд сомониро ташкил дод, ки дар қиёс бо соли 2013- ум 7,1 фоиз зиёд аст.
Дар сохтори соҳаи саноати ҷумҳурӣ ҳиссаи саноати истихроҷи маъдан 13, 3 фоиз, саноати коркард 66,1 фоиз ва истеҳсол тақсимоти неруи барқ, газ ва об 20,6 фоизро ташкил дод.