Соли 2014 ҳаҷми ММД баробари 45,6 миллиард сомонӣ буд

Январь 19, 2015 13:43

Душанбе,  19.01.2015. (АМИТ «Ховар»,  Покизаи  Шодмон).- Ҳаҷми  маҷмӯи  маҳсулоти  дохилӣ (ММД) 45,6  миллиард  сомониро ташкил дода, афзоиши  воқеӣ  баробари  6,7  фоиз  буд. 
Мувофиқи  маълумоти  Бонки  миллии  Тоҷикистон, суръати  афзоиши  маҷмӯи  маҳсулоти  дохилӣ  нисбат ба  соли  2013 баробари  0,7  фоиз  суст  гардид,  ки  сабаби  ин  асосан  коҳиш  ёфтани  омили  талабот  дар иқтисодиёти  ҷаҳон  ва  суръати  сусти афзоиши  иқтисодиёт дар  нимаи  дуюми  соли  гузашта дар  кишварҳои  шарики тиҷоратии Тоҷикистон  аст. 
Қобили  зикр  аст, ки  Ҳукумати  ҶТ  аз  рӯи  натиҷаи  соли  2014    маҷмӯи  маҳсулоти  дохилиро  дар  ҳаҷми  қариб 48  миллиард  сомонӣ  ва  баробари  7,6  фоиз афзоиш  ёфтани онро  дар  назар  дошт. 
Соли  2014  афзоиш  дар  бахши  сохтмон   баробари  25,3  фоиз,  муомилоти  чаканаи  мол  6,5  фоиз,  истеҳсоли  маҳсулоти  саноат  5,1  фоиз,  истеҳсоли  маҳсулоти  кишоварзӣ 4,5  фоиз  ва  дар  бахши  хидматрасонӣ  баробари  1  фоиз  буд. 

Январь 19, 2015 13:43

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд