Соли 2014 ММД ба 6,7 фоиз баробар шуд

Душанбе, 23.01.2015. (АМИТ «Ховар», Лайло Тоирӣ).- «Натиҷаҳои ҷамъбасти рушди иқтисодиву иҷтимоии мамлакат нишон медиҳад, ки дар соли 2014 ҳаҷми Маҷмӯи Маҳсулоти Дохилӣ бо афзоиши реалии 6,7 фоиз ба 45,6 млрд.сомонӣ баробар гардидааст, ки ин нисбат ба соли 2013 -5,1 млрд. сомонӣ  ё 12,5 фоиз бо ҳисоби номиналӣ зиёд шудааст»,- гуфт муовини вазири молияи ҷумҳурӣ Шавкат Соҳибов имрӯз, 23 январ  зимни нишасти матбуотӣ. 
Гардиши савдои хориҷӣ дар соли 2014 -5,3 млрд. доллари ИМА-ро ташкил дода, нисбат ба соли 2013 ба маблағи 31,5 млн. доллари ИМА ё 6,6 фоиз зиёд гардидааст. Ҳиссаи содирот ба 977,4 млн. доллари ИМА ва ҳиссаи воридот ба 4,3 млрд. доллари ИМА баробар гардидааст. 
«Индекси нархҳои истеъмолӣ, яъне меъёри таваррум, дар соли 2014 -7,4 фоизро ташкил дод, ки нисбат ба соли 2013 ба андозаи 3,7 банди фоиз зиёд шудааст. Бо болоравии сатҳи таваррум асосан тағйироти нархи молҳои озуқаворӣ 1,0 фоиз таъсир расонид»,- илова намуд муовини вазир.