Соли 2015-соли туризми дохилӣ
Душанбе, 08.01.2015 (АМИТ «Ховар», Манижа Баҳромзода).- Эҳтимол меравад соли 2015 бо ташаббуси Кумитаи ҷавонон, варзиш ва сайёҳӣ «Соли туризми дохилӣ» эълон гардад. Зарурати чунин унвон гирифтани соли 2015-ро Абдуллозода Аҳтам Рустам, раиси ин ниҳод дар рушди туризми дохилӣ тавассути ошно намудани кӯдакони макотиби таҳсилоти миёна бо таърих ва фарҳанги минтақаҳои туристии кишвар ном бурд. «Мо ҳоло якҷоя бо ширкатҳо ва агентиҳои туристии Тоҷикистон аз рӯйи як силсила нақшачорабиниҳо кор бурда истодаем, то соли 2015-ро соли туризми дохилӣ эълон кунем», — иброз дошт Абдуллозода Аҳтам Рустам имрӯз, 8 январ зимни нишасти матбуотии ин ниҳод.
Абдуллозода Аҳтам Рустам инчунин иттилоъ дод, ки бо мақсади рушди соҳаи туризм соли 2015 дар кишвар нахустин конфронси байналмилалӣ оид ба рушди туризм дар Тоҷикистон баргузор хоҳад гашт, ки ба он доираи муайяни намояндагон аз давлатҳои хориҷи кишвар даъват хоҳанд шуд. «Ба ин восита мо намояндагони ин кишварҳоро бо манбаъҳои туристии кишварамон ошно месозем»,-илова намуд Абдуллозода Аҳтам.
Дар Ҷумҳурии Тоҷикистон дар айни замон зиёда аз 1400 адад ёдгории таърихиву фарҳангии кишвар арзи ҳастӣ намуда, қисмати зиёди онҳо ба кадастри захираҳои туристӣ ворид гардидаанд.








Имрӯз дар Тоҷикистон ҳавои тағйиёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






