Соли гузашта 110 намоиши театрӣ зиёд шуд

Душанбе, 19.01.2015. (АМИТ “Ховар”, Рафоати Абдулҳамид).- Ба иттилои Вазорати фарҳанги ҷумҳурӣ дар соли 2014 Театри давлати опера ва балети ба номи С. Айнӣ барои дӯстдорони санъати касбӣ операҳои “Ибни Сино” ва “Борбад”- и М. Бафоев, “Дугонаҳо”, ва “Қишлоқи тиллоӣ”- и Д. Дӯстмуҳаммадов, “Бузаки ҷингилапо”- Ф. Одинаев, “Алеко”- и С. Раҳманинов, “Травиата”- и Ҷ. Верди, “Комде ва Мадан”- и М. Шаҳидӣ, “Паятси”- и Р. Леонкавалло, “Сартароши сивилӣ”- и Ҷ. Россини, оратория — балети “Мақоми ишқ”- и Ф. Боҳор, балетҳои “Дон Кихоти”- и Л. Минкус, “Жизел” ва “Корсар”- и А. Адан, “Щелкунчик” ва “Санами Хуфта”- и П. Чайковский, “Чипполино”- и Э. Хачатурян, операи бачагонаи “Фсонаи беша”- и А. Мӯсоев, опереттаи “Кони Пурганҷ”- и Ш. Ашӯров ва кансерти ҳисоботии барандаи Ҷоизаи озмунҳои байналмилалӣ Шарофат Усмонова, “Шоми балети Шарқ”, консерти пианинонавози олмонӣ Йойа Вендтро манзур намуд. Яке аз падидаҳои назаррас — сафари ҳунарии ҳайати балет ба Ҷумҳурии Федеративии Олмон бо намоишномаҳои “Лайлӣ ва Маҷнун”- и С. Баласанян ва “Мақоми ишқ”- и Ф. Баҳор ба ҳисоб меравад.110 намоиши театриро зиёда аз 46000 нафар тамошо карданд.