Суғд: сайди моҳӣ 3,1% афзоиш ёфт

Хуҷанд, 14.01.2015. (АМИТ “Ховар”, Абдуаҳад Шарифзода).-Дар хоҷагиҳои моҳипарварии вилояти Суғд  дар соли 2014 сайди моҳӣ 229  тоннаро ташкил дод. Тавре ки ба АМИТ Ховар аз бахши моҳипарварии Раёсати кишоварзии вилоят иттилоъ доданд,  дар соли сипаригашта дар миқёси вилоят ҳаҷми маҳсулоти моҳипарварӣ  нисбат ба ҳамин давраи соли 2013 -ум 3,1 фоиз  зиёд гашта, дар умум он  4 млн. 581 ҳазор сомониро дар бар гирифт. 
Дар маҷмӯъ, ҳаҷми истеҳсоли намудҳои моҳӣ, чун: пешонағафси сафед  6%, намуди зағорамоҳӣ  12,9%, амури сафед  3,3%, намуди суфмоҳӣ (судак)  12,7% ва инчунин дигар намудҳои моҳӣ, ба монанди: ҷумҷумамоҳӣ, аспакмоҳӣ ва шамшермоҳӣ 65,1%-ро  ташкил  намуданд.