Суди олӣ: воридшавии зиёда аз 2000 шикояти мардум

Душанбе, 12.01.2015. (АМИТ «Ховар», Муқаддас Темурзода).- «Дар давраи ҳисоботӣ ба Суди олӣ 2 ҳазору 350 арзу шикояти шаҳрвондон ва эътирозҳо ворид гардиданд, ки нисбат ба соли 2013  561 адад ё худ 19% кам мебошад. Аз миқдори умумии шикоятҳо 2  188 ё худ 93% бо омӯзиши 1089 парванда ҳал  гардида, дар айни ҳол 162 шикоят мавриди баррасӣ қарор дорад. Аз миқдори шикоятҳои ҳал гардида, 957-тои он парвандаи гражданӣ, 386 оилавӣ, 802 ҷиноятӣ ва 43 вобаста ба ҳуқуқвайронкунии маъмурӣ мебошад».- изҳор дошт  раиси Суди олии ЧТ Нусратулло Абдуллозода имрӯз зимни нишасти матбуотӣ ба хабарнигорон.
Иттилоъ дода шуд, ки дар ин давра ҳамчунин ҷиҳати иҷрои дастуру супоришҳои Президенти Ҷумҳурии Тоҷикистон, бобати ҳар рӯзи шанбе ба роҳ мондани қабули шаҳрвандон, бевосита аз ҷониби раиси Суди олӣ дар 48 ҳолат 498 нафар муроҷиаткунанда таъмин гардид.