Таҳсили олии касбӣ аз тариқи квотаи Президентӣ
Душанбе, 17.01.2015. (АМИТ “Ховар”, Ситораи Боймурод),- Тибқи иттилои Вазорати маориф ва илми кишвар ҳамасола бо мақсади таъмини соҳаҳои мухталифи иқтисодиёти кишвар ва махсусан, ноҳияҳои дурдаст бо ҷавонони соҳибкасб қабули ҷавонону духтарон ба муассисаҳои таҳсилоти олии касбӣ аз тариқи квотаи президентӣ ба роҳ монда мешавад.
Тибқи меъёрҳои байналмилалӣ ба стандартҳои ҷаҳонӣ мутобиқ гардонидани низоми таҳсилоти мамлакат, фароҳам овардани шароити мусоиди таълиму тарбия ва тарбияи кадрҳои баландихтисос яке аз вазифаҳои асосии муассисаҳои таҳсилоти олии касбӣ мебошад.
Гуфта мешавад, ки ба истиснои баъзе аз муассисаҳои таҳсилотии олии касбӣ, дар маҷмўъ, дигар ҳамаи муассисаҳои таҳсилоти олии касбӣ ба низоми кредитии таҳсилот гузаштаанд.