Таъмини шаффофияти соддагардонии расмиёти гумрукӣ

Душанбе, 22.01.2014 (АМИТ «Ховар», Фарзонаи Давлат).- Дар давраи ҳисоботии соли 2014  226 ҳазору 384 амалиёту расмиёти гумрукӣ тавассути низоми  иттилоотии автоматонидашудаи ягона аз коркарди электронӣ гузаштанд.
Тавре ки дар ҳисоботи солонаи Хадамоти гумрук омадааст,  дар ин давра  226  384 амалиёту расмиёти гумрукӣ тавассути низоми мазкур аз коркарди электронӣ гузаштаанд, ки аз ин 9165 ҳолат ба содирот, 89 ҳазору 508 ҳолат ба воридот, 3508 ҳолат ба транзити байналмилалӣ, 68570 ҳолат ба транзити дохилии гумрукӣ ва 55633 ҳолат ба расмиёти вуруду хуруҷи воситаҳои нақлиёт рост меояд.
Гуфта мешавад, ки бо мақсади таъмини шаффофият соддагардонии расмиёти гумрукӣ ва ба роҳ мондани декларатсиякунонии электронии молу воситаҳои нақлиёт тавассути низоми иттилоотии автоматонидашудаи ягона, тибқи фармони сардори Хадамоти гумрук ба расмиятдарории гумрукии молу воситаҳои нақлиёт дар шакли электронӣ ба роҳ монда шудааст.