Тамошои 165 спектакл аз ҷониби 40 ҳазор нафар

Душанбе,17.01.2015. (АМИТ “Ховар”, Рафоати Абдулҳамид).- Дирӯз , 16 — уми январ зимни нишасти матбуотӣ вазири  фарҳанги ҶТ Шамсиддин Орумбекзода зикр намуд, ки дар фаъолияти эҷодии Театри давлатии академӣ — драмавии ба номи А. Лоҳутӣ низ соли равон хеле самаранок буд.
Дар ин давра намоиши тозатаълифи “Аз мост, ки бар мост”- и А. Қодирӣ таҳия гардида, спектаклҳои “Муҳаббат”- и М. Сайфиддинов ва Ш. Сайфиддинов, “Раъду барқ”- и Тсоа Юй, “Буратино ва Гарри Потер”- и И. Правдина, “Ромкунии духтари саркаш”- и В. Шекспид “,Пизишки паррон”- и Ж. Молйер, “Ҳамсафар”- и Р. Қудратов манзури мухлисони санъат гардид.
Дар доираи таҷлили ҷашни 100- солагии композитори маъруф Зиёдулло Шаҳидӣ таҳияи спектакли “Зиндагинома” аз рӯи асари А. Абдуҷабборов ва коргардон Д. Убайдуллоев бозёфти ҳайати эҷодӣ дар ин давра эътироф гашт ва онро беш аз якуним ҳазор нафар тамошо карданд.
Театр бо намоишномаи “Чархи гардон”- и Нур Табаров ба шаҳри Қурғонтеппа сафари ҳунарӣ анҷом дода, дар маҷмӯъ 165 спектакли театрро зиёда аз 40 000 нафар тамошо карданд.