Ташкили фазои ягона дар савияи миллӣ ва байналмиллалӣ
Душанбе, 19.01.2015. (АМИТ “Ховар”, Ситораи Боймурод).-«Омори нархҳо ҳамарӯза ҷамъоварӣ ва таҳлили ҳафтаина гузаронида мешавад. Ҳар ҳафта аз рӯи 23 минтақаи ҷумҳурӣ дар бораи нархҳои миёнаи маҳсулоти асосии хӯрокворӣ иттилоот пешниҳод мешавад ва барои таъмини дастрасии умум ва шффофияти маълумотҳои оморӣ дар нашрияҳои расмӣ, воситаҳои ахбори омма чоп гардида, дар сомонаи агентӣ бо се забон ҷой дода мешаванд»,-гуфт Гулнора Ҳасанзода, директори Агентии омори назди Президенти Ҷумҳурии Тоҷикистон имрӯз, 19-уми январ зимни нишасти матбуотӣ.
Дар бахши истеъмолӣ “Таснифоти истеъмолоти инфиродӣ аз рӯи мақсад” барои ҳисоби индекси нархҳои истеъмолӣ таҳия ва тасдиқ шуд. Номгӯи молҳо (хизматрасониҳо)- намояндагиҳо, ки барои ҳисоби индекси нархҳои истеъмолӣ бо мақсади мутобиқгардонӣ ба талаботи нашрияҳои байналмиллалӣ тибқи Таснифоти истеъмолоти инфиродӣ аз рӯи мақсад истифода мешавад, аз нав баррасӣ шуд.
Гуфта мешавад, ки бо мақсади ташкили фазои ягонаи иттилоотӣ дар савияи миллӣ ва байналмиллалӣ дар назди Агентии омор такмил ва татбиқи Низоми ягонаи синфбандӣ ва рамзгузории маълумотҳо вогузор шудаанд.