Ташкилотҳои сохтмонӣ муҷозот шуданд

Душанбе,  14.01.2015. (АМИТ «Ховар»,  Кристина Эрлих).- Соли  2014 дар  ҷараёни  тафтиши иншоотҳои  сохтмонии  64 шаҳру  ноҳияҳои  ҷумҳурӣ бархе  ташкилотҳои  сохтмонӣ   барои паст  будани  сифати  сохтмон  ба  маблағи  643 ҳазору  40  сомонӣ  муҷозот  шуданд. 
Раиси Кумитаи  меъморӣ  ва  сохтмони назди Ҳукумати  ҶТ  Абдувалӣ  Комилзода  дар нишасти  матбуотӣ, ки  имрӯз,  14  январ,  баргузор гардид,  дар  ин  бора   хабар  дод. 
Дар  нишасти  матбуотӣ  зикр  шуд, ки  барои  фаъолияти  сохтмонию  меъмории  ҷумҳурӣ 342 ҷавознома,  аз ҷумла,  барои   шаҳри  Душанбе  148,  вилояти  Суғд 65,  вилояти  Хатлон  57,  ноҳияҳои  тобеи  ҷумҳурӣ  56  ва  ВМКБ  16  ҷавознома  ҷудо  карда шуд. 
Ғайр  аз  ин дар  давраи  ҳисобот  барои рӯи  кор овардани  муоинаи  давлатӣ  ба кумита  593  лоиҳа  пешниҳод  гардида,  аз ҷумлаи он  552  лоиҳа  муоина  шуда,  5  лоиҳа  аз  муоина   нагузашта,  22  лоиҳа   дар  марҳалаи  баррасӣ қарор  дошта  ва  14  лоиҳа  лағв  шудааст.