Таъсиси «Фонди беҳдошти замин»

Январь 19, 2015 15:21

  Душанбе, 05.01.2015 (АМИТ «Ховар», Манижа  Баҳромзода).- Барои амалӣ намудани қарори Ҳукумати  Ҷумҳурии Тоҷикистон ҷиҳати беҳтар намудани ҳолати мелиоративии заминҳо аз ҷониби  Агентии беҳдошти замин ва обёрӣ нақшаи чорабиниҳо  тартиб  дода  шудааст. Аз ҷумла  ба иттилои ниҳоди мазкур дар назар ҳаст, ки «Фонди беҳдошти замин»  таъсис дода шавад. « Ин фонд дар оянда фақат барои беҳдошти замин ва барқарорсозии он фаъолият менамояд»,-иброз дошт Ҳасанзода Ҳомид, директори Агентии беҳдошти замин  ва обёрии назди Ҳукумати кишвар имрӯз, 19 январ зимни нишасти хабарӣ.
         Ба  гуфтаи мавсуф  фонди мазкур инчунин метавонад аз ҳисоби маблағҳое, ки аз ҷониби  Кумитаи давлатии идораи замин ва геодезӣ  барои заминҳо ҷуброн мешаванд, истифода барад, ки ин 85%-ро ташкил медиҳад. Ҳасанзода Ҳомид иброз дошт, ки фонди мазкур метавонад дар оянда вазъи мелиоративии заминро беҳтар намояд.   «Фақат дар ҷумҳурӣ аз ҳисоби ғайриқаноатбахш будани  ҳолати мелиоративӣ то 4 000 гектар  замин  аз ҳисоби баланд будани шӯрнокӣ истифода намешавад»,-илова намуд  директори Агентии беҳдошти замин ва обёрӣ. 
        Соли  2014  ҳолати мелиоративии зиёда аз 10  748 гектар  замини Ҷумҳурии Тоҷикистон  беҳтар шудааст. Дар назар аст барои «Фонди беҳдошти замин»  инчунин соҳибкорони ватанӣ ва инвеститсияҳои хориҷӣ ҷалб шаванд.
 
 
 

Январь 19, 2015 15:21

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд