Татбиқи лоиҳаҳо дар Агентии беҳдошти замин ва обёрӣ

Душанбе, 21.01.2015. (АМИТ “Ховар”, Рафоати Абдулҳамид).- Директори Агентии беҳдошти замин ва обёрии назди Ҳукумати Ҷумҳурии Тоҷикистон зимни нишасти матбуотӣ гуфт, ки  барои дастгирии соҳа дар назди агентӣ марказҳои идораи лоиҳаҳои “Обёрии заминҳои водии Данғара дар масоҳати 1750 гектар (марҳилаи 2 ва 3)”, “Лоиҳаи дуюми таъмини шуғли аҳолӣ  барои устувории хоҷагии қишлоқ ва захираҳои обӣ”, “Лоиҳаи таъмини устувории ҳавзаи дарёи Панҷ ба таъғирёбии иқлим”, ба маблағи умумии зиёда аз 143,8 млн доллари амрикоӣ тадбиқ шуда истодааст. Азхудкунии маблағҳо аз аввали тадбиқи лоиҳаҳо зиёда аз 81,7 млн доллари  ИМА-ро  ташкил медиҳад.
Дар ин давра аз тарафи Агентии беҳдошти замин ва обёрӣ ба тарбиятгирандагони мактаб-интернатҳо, хонаи маъюбон, алалхусус мактаб-интернати ноҳияи Шаҳритӯс, ки агентӣ сарпарастии онро ба зимма дорад, ба маблағи 77,3 ҳазор сомонӣ кумаки моддию молиявӣ расонида шуд.