Технологияҳои инноватсионӣ оид ба коркарди хок

Душанбе, 15.01.2015. (АМИТ “Ховар”, Ситораи Боймурод).- Вазорати кишоварзии Ҷумҳурии Тоҷикистон бо назардошти хусусиятҳои минтақа ва ноҳияҳои хоҷагидории ҷумҳурӣ нақшаи ҷойгиркунии зироатҳои кишоварзиро тарҳрезӣ ва ба Ҳукумати ҶТ пешниҳод кардааст.
Дар натиҷаи тадқиқот 10 технологияи инноватсионӣ, оид ба коркарди сифрии хок бо кишти зироатҳои кишоварзӣ дар заминҳои лалмӣ ва дар кишти такрорӣ;  ташкил ва парвариши зинабоғҳои себу зардолу бо истифодаи ниҳолҳои кадпаст дар заминҳои наздиҳавлигӣ;- парвариши генеративии картошка  аз тухмакҳои ботаникӣ;- истеҳсоли микролӯндаҳои картошкаи солим  дар шароити хоҷагӣ; парвариши тагпайвандҳои ниҳолҳои қадпаст бо истифодаи каламчаи реша ва истеҳсоли чор намуди ваксинаю доруҳои биокимиёвӣ бо истифодаи ашёи хоми маҳаллӣ тарҳрезӣ шуд. Самараи иқтисодии технологияҳо ба як сомонии сафаргардида 6-7 сомониро ташкил менамояд. Навигарии тадқиқоти илмӣ бо 15 патенту шаҳодатномаҳои муаллифӣ тасдиқ  шуд.