Вазъи ногувори техникаи коммуналӣ

Душанбе,  08.01.2015. (АМИТ «Ховар»,  Кристина  Эрлих).- Директори  генералии Корхонаи  воҳиди давлатии «Хоҷагии  манзилию  коммуналӣ» Алимурод Тағоймуродов  дар   нишасти  матбуотӣ  аз  рӯи  натиҷаи  фаъолият  тайи  соли  2014, ки  имрӯз,  8  январ,  баргузор  гардид, иброз  дошт, ки  вазъи техникаи  махсуси коммуналии   муассисаи  мазкур   дар  вазъияти  ногувор   қарор  дорад.
Мувофиқи  суханони  номбурда,  то  31  декабри  соли  2014  аз  ҷумлаи   898 адад техникаи  махсуси  коммуналӣ  фақат 576 — тоаш  дар  ҳолати коршоям қарор  дошта, аз ҷумлаи  умумии техникаи  зикршуда 360  адад,  ё  40  фоизи  онҳо  мӯҳлати  истифодаро ду  ва  се  маротиба  гузаронидаанд.
«Корхонаҳои «Хоҷагии  манзилию  коммуналӣ» барои  фаъолияти  самарабахшашон  ба  900 адад  техникаи  махсуси  коммуналӣ  зарурат  доранд, ки  алҳол дар  ин  самт  чораҳои  зарурӣ  дида  мешаванд»,  —   гуфт  директори корхона».