Вохӯрии Гурӯҳи дӯстии Тоҷикистон ва Парлумони Аврупо

Душанбе, 13.01.2015 (АМИТ «Ховар»).- Дар шаҳри Брюссел вохӯрии навбатии Гурӯҳи дӯстии Тоҷикистон ва Парлумони Аврупо 7 январ баргузор гардид. Дар чорабинии мазкур ноиби Президенти Парлумони Аврупо Ричард Чарнески низ иштирок намуд.
Зимни вохӯрӣ Намояндаи доимии Ҷумҳурии Тоҷикистон дар Иттиҳоди Аврупо сафир Рустам Солиев ба вакилон оид ба ҷараёни  омодагӣ ба баргузории интихоботи навбатии парлумонӣ дар Тоҷикистон, ки 1 марти соли 2015 баргузор мегардад, маълумоти муфассал  дод.
Тазаккур дода шуд, ки интихоботи навбатии парлумонӣ дар Тоҷикистон дар фазои орому осуда ва бо риояи меъёрҳои ҷаҳони муосир баргузор гардида, натиҷаҳои он барои рушди минбаъдаи парламентаризми демократии кишвар мусоидат хоҳад кард.