Восеъ: мактаб-интернатҳо таъмир мешаванд

Восеъ,  19.01.2015. (АМИТ «Ховар», Сулаймони Хол).-Дар нохияи Восеъ ду мактаб- интернат мавҷуд аст, ки дар онҳо беш аз 500 нафар тарбиятгиранда ба таълиму тарбия фаро гирифта шудааст. Тайи солҳои охир  биноҳои мактаб- интернатҳо ба таъмири асосӣ фаро гирифта шуда, онҳо бо хати тозаи барқ пайваст гардиданд. Дар интернати хонандагони лаёқатманди ба номи Ғоиб Сафарзодаи ноҳияи Восеъ бо фармоиши дирексияи сохтмони иншооти хукуматии Дастгохи иҷроияи Президенти Ҷумҳурии Тоҷикистон  ҶДММ «Сохтмони Кулиён» таъмири асосӣ ва бунёди иншооти ёрирасонро пурра ба анҷом расониданд. 
Муассисаи мазкур солҳои тӯлонӣ таъмир нашуда буд ва дар ҳолати ҳузнангезу ногувор қарор дошт. Баъди пурра мавриди баҳрабардорӣ қарор гирифтани биноҳо  шароити таълимию маишии тарбиятгирандагон бехтару хубтар ба рох монда шуда, соли таҳсили 2014-2015 шумораи хонандагон дар ин муассиса зиёд гардид.