Вуруди 39 арзу шикоят ва дархост ба Агентии хизмати давлатӣ

Душанбе, 06.01.2015. (АМИТ “Ховар”, Ситораи Боймурод).- Дар соли 2014 ба Агентии  хизмати давлатии назди Президенти Ҷумҳурии Тоҷикистон 4508 адад мактуб ворид шуд, ки муҳтавои асосии онҳоро муроҷиати шаҳрвандон ва дархосту гузоришҳои мақомоти давлатӣ оид ба теъдоди химатчиёни давлатӣ, натиҷаҳои аттестатсия, баҳодиҳии фаъолият, ротатсия, пешниҳоди рӯйхати захираи кадрҳо, татбиқи кафолатҳои иҷтимоӣ, таҳсили хизматчиёни давлатӣ ва дигар масъалаҳои мансуб ба соҳаи хизмати давлатӣ ташкил медиҳанд,-гуфт Гурез Қосимзода, муовини якуми директори агентӣ имрӯз, 6-уми январ зимни нишасти матбуотӣ.
Ба гуфтаи мавсуф, дар ин муддат 401 муроҷиати шаҳрвандон ворид гардида, 39 арзу шикоят ва дархости хаттии мақомоти давлатӣ, хизматчиёни давлатӣ ва шаҳрвандон баррасӣ шудааст.