Ёрии маҷҷонӣ ба Сарраёсати геология

Душанбе,  07.01.2015. (АМИТ «Ховар», Кристина  Эрлих).- «Бо  ибтикори  роҳбарияти  Сарраёсати  геология  ширкати Ҷамъияти  масъулияташ  маҳдуди  «ТВЕА — Душанбе саноати  кӯҳӣ» 4 дастгоҳи  пармакориро  чун ёрии маҷҷонӣ  ба Корхонаи  воҳиди  давлатии «Экспедитсияи иктишофи геологии Муғиён»  тақдим  намуд, ки  онҳо  дар кони Кумарги  Боло  мавриди  истифода  қарор  мегиранд», — гуфт  дар нишасти  матбуотӣ  аз  рӯи  натиҷаи  фаъолият  тайи  соли  2014  сардори  Сарраёсати  геологияи  назди  Ҳукумати  ҶТ  Мурод  Хол  Ҷумъазод.
Дар  нишасти  матбуотӣ ҳамчунин  зикр  шуд, ки  Сарраёсати  геология  дар  давраи  ҳисобот аз  ҳисоби   маблағгузорӣ  4  адад  радиометр, 4  адад  нақлиёти  махсуси  автомобилӣ,  1  булдозер, 1 асбоби таҳлили заравӣ  барои муайян  кардани  70 унсур,  4 адад  ротори  дастгоҳҳои пармакорӣ  харидорӣ  намуд. Ҳамаи  техникаи  истеҳсолӣ, ки  маблағи  умумии  он 1 миллиону  499 ҳазору  800 сомониро ташкил  медиҳад,  байни корхонаҳои  зертобеъ тақсим  шудаанд.