Ёрии «Сомон Эйр» барои бунёди дегхона
Душанбе, 05.01.2015. (АМИТ «Ховар», Лайло Тоирӣ).- Ширкати ҳавопаймоии «Сомон Эйр» ба мактаб — интернати рақами 55 ёрии молиявӣ расонид.
Роҳбарияти ин мактаби махсус дар арафаи соли 2015 хоҳиш намуда буд, ки ба дастпарваронаш ёрии молиявӣ расонида шавад. Ширкати «Сомон Эйр» ин хоҳишро пазируфта, ба мактаб — интернат дар ҳаҷми 8 ҳазор сомонӣ ёрии молиявӣ расонид.
Маблағҳои зикршуда барои эъмори дегхона, ки барои мактаб — интернат аҳамияти зиёде дорад, мавриди истифода қарор гирифтанд.
Тавре ки аз хадамоти матбуоти ширкати ҳавопаймоии «Сомон Эйр» хабар доданд, намояндагони ширкат дастпарварони мактаб — интернатро шахсан муборакбод карда, ба ҳар кадоми онҳо тӯҳфаҳои солинавӣ тақдим намуданд.
Мувофиқи маълумоти ширкати ҳавопаймоии «Сомон Эйр», имрӯз ҳавопаймоҳои он дар хатсайрҳои Олмон, Аморати Муттаҳидаи Араб, Туркия, Чин, Русия ва Қазоқистон парвоз мекунанд.
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
