Заҳролудшавӣ аз консерваи худсоз
Душанбе, 27.01.2015 (АМИТ «Ховар», Лайло Тоирӣ).-26 январи соли равон соати 18.00-дақиқа, шаш нафар аъзои оилаи Сатторовҳо, истиқоматкунандагони ҷамоати деҳоти Шаҳраки ноҳияи Исфара, дар натиҷаи истеъмоли маҳсулоти консервакардашудаи худсоз ҳангоми хӯроки шом заҳролуд шуда, дар беморхона бистарӣ гаштанд.
Тавре ки аз хадамоти матбуоти Вазорати корҳои дохилӣ иттилоъ доданд, Муборак Саттороваи 7 сола баъди чанд муддат дар беморхона ба ҳалокат расидааст.
Маъмулан соҳибхоназанҳо бо истифода аз меваю сабзавот барои худ консерваҳои гуногун захира менамоянд. Баъзан вақт ҳангоми омода намудани чунин консерваҳо талаботи санитарию гигиениро риоя намекунанд, ки ин боиси заҳролудшавӣ аъзои оила мегардад.
Масъулони вазорат хабар медиҳанд, ки ин нахустин ҳолати заҳролудшавии шахсон аз консерваҳои худсоз нест ва аз мардуми кишвар даъват менамоянд, ки ки ҳангоми омода намудан ва истеъмоли консерваҳои худсоз боэҳтиёт бошанду саломатӣ ва ҳаёти худро зери хатар нагузоранд.
Хотиррасон мекунем, ки соли гузашта дар шимоли Тоҷикистон низ як гуруҳ сокинон ҳангоми истеъмоли консерваи худсохт заҳролуд шуданд. Чунин ҳодиса тирамоҳи соли 2012 низ рух дода, баъди истеъмоли консерваи помидору бодиринг дар Зафаробод як нафар фавтида ва 26 нафари дигар дар ҳолати вазнин дар беморхона бистарӣ шуд.
Бо мақсади тақвияти рушди содирот ба бозори ҷаҳонӣ бо хоҷагидорони ноҳияи Ҷайҳун вохӯрӣ доир шуд
ДАРАХТ БИНШОН! Дар Ишкошим 300 бех ниҳоли гуногуни мевадиҳанда шинонида шуд
Дар шаҳри Бӯстон бо сокинони маҳаллаи «Ғалаба» мулоқоти судманд баргузор гардид
Ба воҳидҳои Кумитаи ҳолатҳои фавқулода ва мудофиаи граждании Тоҷикистон техникаи нав супорида шуд
Имрӯз дар Тоҷикистон ҳавои абрнок пешгӯӣ мешавад
Дар Донишгоҳи давлатии ҳуқуқ, бизнес ва сиёсати Тоҷикистон доир ба ҳифзи арзишҳои миллӣ ҳамоиш доир шуд
Дар Вашингтон дар назди мактаб тирпаронӣ ба амал омад
Гурӯҳи кории Кумитаи меъморӣ ва сохтмони Тоҷикистон дар шаҳрҳои Дубай ва Давҳа табодули таҷриба намуд
Ҳамкории байналмилалии Донишгоҳи технологии Тоҷикистон бо шарикон тақвият меёбад
Дар Кения шумораи бар асари бориши зиёд ҳалокшудагон аз 200 нафар гузашт
Маркази тадқиқоти стратегии Тоҷикистон ҳамкориро бо Пажуҳишгоҳи нидерландии «Клингендаел» тавсеа мебахшад
Имрӯз дар Тоҷикистон ҳавои тағйирёбандаи бебориш пешгӯӣ мешавад
