Заҳролудшавии оилаи ҷавон дар Суғд

Хуҷанд, 13.01.2015. (АМИТ Ховар, Абдуаҳад Шарифзода).-Дар шимоли кишвар боз як ҳолати аз ангишт заҳролудшавии як оилаи ҷавон ба қайд гирифта шуд. Тавре ки ба АМИТ Ховар аз РВКД ҶТ дар Суғд иттилоъ доданд, 11 январи соли ҷорӣ тақрибан соатҳои 3-и шаб оилаи ҷавон, истиқоматкунандагони нохияи Истаравшан, ҷамоати деҳоти Гули сурх, деҳаи Боғи калон, Баҳриддин Шоаюбов, с/т 1993 ва ҳамсараш Маҳлиё Ҷумъаева, с/т 1993, ҳангоми гарм намудани хона аз дуди ангишт заҳролуд гашта, дар натиҷа ҳар ду  фавтиданд.
Аз саршавии мавсими тирамоҳу  зимистон, яъне аз моҳи октябр  то охири декабр дар қаламрави Суғд аз заҳролудшавӣ 8 нафар фавтидааст, ки аз ин шумора 2 нафар кӯдаки хурдсол аз ноҳияи Айнӣ ва ду оилаи ҷавон мебошад.