Ҳашар барои нихолшинонӣ

  Кӯлоб, 20.02.2015. (АМИТ Ховар», Сулаймони Хол).-Корхонаю муассисаҳои шаҳри Кӯлоб баҳри ободу зебо намудани кӯчаю маҳаллаҳо ва назди коргоҳҳои хеш дар ҳамкорӣ бо ҳукумати шаҳр ва Корхонаи фаръии давлатии ниҳолпарварӣ ва сабзазоркунӣ дар давоми ду моҳи охир дар кӯчаҳои марказии шаҳр дарахтони бисёрсоларо бо истифодаи техника шинониданд. Ҳоло дар назди Донишгоҳи давлатии Кӯлоб, ки имсол 70-солагии он ҷашн гирифта мешавад, шинонидани дарахтони сарви бисёрсола идома дорад.  Дар гармхонаҳо ва заминҳои корхонаи фаръӣ гулҳои гуногун парвариш меёбанд ва онҳо  дар нимаи дуюми моҳи март дар кӯчаю хиёбонҳои шаҳр кӯчат хоҳанд шуд.