Ҳодисаи нохуш дар роҳи оҳан

 Душанбе, 17.02.2015. (АМИТ «Ховар», Муқаддас Темурзода).- Дирӯз,тахминан соати 17:40-дақиқа, тепловози “ТЭМ-2 УМ” таҳти идораи ронанда Худойдод Мирзоев, сокини шаҳри Душанбе ва ёрдамчии ӯ Рустам Наҷмиддинов, сокини шаҳри Ваҳдат, соли таваллудашон 1983 ҳангоми ҳаракат дар километри 4685-уми байни истгоҳҳои роҳи оҳани Душанбе-2 ва Душанбе-1 шаҳрванд Норбиш Менглиқулова, соли таваллудаш 1965, истиқоматкунандаи шаҳри Душанберо пахш намудааст. Дар натиҷа охирин ҷароҳати вазнини ҷисмонӣ бардошта, дар беморхона ба ҳалокат расидааст. Дар ин бора ВКД ҶТ иттилоъ медиҳад.