Ҷаласа дар бахши маорифи давлатҳои узви ИДМ дар Маскав

Душанбе, 18.02.2015. (АМИТ Ховар, Ситораи Боймурод).- Тибқи иттилои сомонаи расмии Вазорати маориф ва илми Тоҷикистон 18-ум ва 19-уми феврали  соли равон дар  шаҳри  Маскав  ҷаласаи   гурӯҳи  кории  Шӯрои  ҳамкорӣ дар бахши  маорифи давлатҳои  узви  ИДМ  барои  такмил  додани  лоиҳаҳои   низомномаҳо  дар  бораи  Донишгоҳи байналмилалии таҳсилоти  динии  давлатҳои  узви   ИДМ  ва Анҷумани  муаллимон ва  кормандони  маорифи   давлатҳои  узви  Иттиҳод баргузор  мегардад.
Гуфта мешавад, ки дар  кори  ҷаласа  намояндагони   вазоратҳои  маориф ва  илми   давлатҳои  узви  ИДМ  ширкат  менамоянд. Намояндагони  Раёсати   ҳамкорӣ  бо  созмонҳои динии  маъмурияти Президенти ФР, Шӯрои  байнидинии  ИДМ, Патриархати Маскави калисои  православии  рус,  Раёсати  динии  мусулмонони Русия, Конгресси ҷамоаю созмонҳои  динии яҳудиёни  Русия ба  ҳайси  даъватшудагон  дар  ҷаласа  иштирок  менамоянд.