«Ҷашнвораи Буддо» дар Душанбе

Душанбе, 12.02.2015. (АМИТ «Ховар», Ситораи Боймурод). -14 феврали соли равон дар Кохи Ҷомӣ «Ҷашнвораи Буддо» ё маҷмӯи варзишҳои ҷопонӣ баргузор мегардад. 
Ҷашнвораи мазкур бо ибтикори сафорати Ҷопон дар Тоҷикистон ва Кумитаи ҷавонон, варзиш ва сайёҳӣ сурат гирифта, дар он муҳорибаҳои намоишии тан ба тан, тамешиварӣ (шикастани ҷисмҳои сахт бо даст ва пой), ката ва дигар ҳунарҳои размӣ манзури бинандаҳо мегарданд.
Дар ҷашнвораи Буддо варзишгароне, ки дар намуди карате-до, айкидо, карате-киокушинкай, фулл-контакт, сумо ва ҷудо тамрин мекунанд, ҳунари худро ба намоиш хоҳанд гузошт.